ഈ സംഭവവുമായി ഏതങ്കിലും പാര്ടിയുമായോ പാര്ടിക്കാരുമായോ സാമ്യം തോന്നുന്നെങ്കില് അത് തികച്ചും ബോധപൂര്വ്വമാണ്.
സുന്ദരമായ പാര്ടി ഗ്രാമം ! ബോംബുകളുടെ കള കള ശബ്ദങ്ങള് അങ്ങിങ്ങ് കേള്ക്കാം. പാര്ടി ചാനെലും പാര്ടി പത്രവുമോക്കെയായി പ്രശാന്ത സുന്ദരമായ ആ ഗ്രാമ വാസികള് സന്തോഷത്തോടെ കഴിഞ്ഞുവരികയായിരുന്നു . വര്ഷത്തില് ഒരു ദിവസം 'വിപ്ലവ' വീര്യം കൂട്ടാന് പാര്ടിവാട്ടര്തീം പാര്ക്കിലേക്ക് നാട്ടിലെ യുവാക്കള്ക്കും യുവതികള്ക്കും പാര്ടിയുടെ വക ടൂറുണ്ട് . അവിടെ യുവാക്കളും യുവതികളും പാര്ടിയുടെ വാട്ടര്തീം പാര്ക്കില് ആടി പാടി ഉല്ലസിക്കും .ഇതിനാണ് യഥാര്ത്ഥ ജനകീയ വിപ്ലവം എന്ന് പറയുന്നത് . രക്തസാക്ഷികളും മണ്മറഞ്ഞ നേതാക്കളും സ്വര്ഗത്തില് നിന്നും ഇത് കണ്ടു കോരിതരിക്കുന്നുന്ടാകണം (സ്വര്ഗം ഉണ്ടോ ഇല്ലയോ എന്ന് നമുക്ക് പിന്നീട് ചര്ച്ച ചെയ്യാം).
അങ്ങിനെ ഒരു യാത്ര കഴിഞ്ഞു കുറച്ചു ദിവസത്തിന് ശേഷമാണ് സംഭവം. ഗ്രാമത്തിലെ അവിവാഹിതയായ യുവതിക്ക് മാസകുളി തെറ്റിയിരിക്കുന്നു .വാര്ത്ത കാട്ടു തീ പോലെ പടര്ന്നു .അതിനെ പറ്റിയുള്ള ചര്ച്ചകളായി അന്വോഷണങ്ങള് ആയി .അവസാനം ആ നാട്ടിലെ വിപ്ലവ തീപ്പന്തമായ യുവ നേതാവില് അന്വോഷണം എത്തി നിന്നു. പാര്ടി ക്ലാസ്സുകളില് വാ തോരാതെ വിപ്ലവം പ്രസംഗിക്കുന്ന നമ്മുടെ തീ പന്തത്തെ പറ്റിയാണോ ഈ പറയുന്നത്. മൂക്കുള്ളവര് മൂക്കത്ത് കൈ വച്ചു (ഇവിടെ എല്ലാവര്ക്കും എല്ലാ അവയവവും ഉണ്ടാകണമെന്നില്ല ).
പാര്ടിയുടെ നേതാക്കള് അടിയന്തിര യോഗം വിളിച്ചു .ജില്ലാ സംസ്ഥാന നേതാക്കള് പങ്കടുത്ത മുട്ടന് യോഗം നടന്നു .ഒരു ദിവസം മുഴുവന് നീണ്ടു നിന്ന അതി ഭയങ്കര ചര്ച്ച .യോഗത്തില് യുവതി യുനേതാവിനെതിരായി മൊഴി കൊടുത്തു .അവസാനം പാര്ടി ചര്ച്ച ചെയ്തു ആ ഭയങ്കരമായ സത്യം കണ്ടത്തി .യുവതിക്ക് ഗര്ഭം ഇല്ല .ഗര്ഭം ഉണ്ടെന്നു പറയുന്നത് പാര്ടിയെ തകര്ക്കാനുള്ള സാമ്രാജ്യത ശക്തികളുടെ ഗൂഡാലോചനയാണ്.ഇതിനെ പാര്ടി ഒറ്റക്കെട്ടായി നേരിടണം.
അങ്ങനെ മാസങ്ങള് കടന്നു പോയി .നമ്മുടെ യുവതി ഒരു പെണ്കുഞ്ഞിനു ജന്മം നല്കി .വാര്ത്ത മാലോകരറിഞ്ഞു. ഉടനെ പാര്ടി അടിയന്തിര യോഗം ചേര്ന്നു.യോഗത്തില് വച്ചു യുവതിയോട് വിശദീകരണം ചോദിക്കാന് ധാരണയായി .അങ്ങിനെ യുവതിയോട് വിശദീകരണം ചോദിച്ച പാര്ടി അവസാനം തീരുമാനിച്ചു .പാര്ടി ഗര്ഭം ഇല്ലാന്ന് കണ്ടത്തിയ യുവതി പ്രസവിക്കാന് പാടില്ലായിരുന്നു .പാര്ടി നിര്ദേശം ലംഘിച്ച യുവതി ഗുരുതരമായ അച്ചടക്ക ലംഘനമാണ് നടത്തിയത് .അതിനാല് കുലംകുത്തിയായ ഈ യുവതിയെ പുറത്താക്കാന് പാര്ടി തീരുമാനിച്ചിരിക്കുന്നു .
ഇതാണ് യഥാര്ത്ഥ ഉള്പാര്ടി ചര്ച്ച . നിങ്ങള്ക്ക് ഈ പാര്ടിയെ പറ്റി ഒരു ചുക്കും അറിയില്ല !വിപ്ലവം ജയിക്കട്ടെ !
ബെല്ല് ; ഷാജഹാനെ മര്ദിച്ചു എന്ന വാര്ത്ത അസംബന്ധം-പി ജയരാജന്! ലാവ്ലിന് കേസില് പിണറായി നിരപരാധി -പോളിറ്റ്ബ്യൂറോ!